Imandar Lakadhara Story In Punjabi | ਇਮਾਨਦਾਰ ਲੱਕੜਹਾਰਾ ਕਹਾਣੀ

by Sandeep Singh · Published July 25, 2021 · Updated September 12, 2021

Imandar Lakadhara Story In Punjabi ਤੁਸੀਂ ਪੜ੍ਹ ਰਹੇ ਹੋ ਇਮਾਨਦਾਰ ਲੱਕੜਹਾਰਾ ਕਹਾਣੀ :-

Imandar Lakadhara Story In Punjabi
ਇਮਾਨਦਾਰ ਲੱਕੜਹਾਰਾ ਕਹਾਣੀ

ਦੂਰ ਕਿਸੇ ਪਿੰਡ ਵਿੱਚ ਇੱਕ ਗਰੀਬ ਲੱਕੜਹਾਰਾ ਰਹਿੰਦਾ ਸੀ। ਉਹ ਗਰੀਬ ਦੇ ਬਾਵਜੂਦ ਇਮਾਨਦਾਰ ਸੀ। ਉਹ ਹਰ ਰੋਜ਼ ਨਦੀ ਕੰਢੇ ਲੱਕੜਾਂ ਕੱਟਣ ਜਾਇਆ ਕਰਦਾ ਸੀ। ਇੱਕ ਦਿਨ ਉਹ ਨਦੀ ਦੇ ਕੰਢੇ ਤੇ ਪੁੱਜਾ ਅਤੇ ਇੱਕ ਸੁੱਕੇ ਦਰੱਖ਼ਤ ਨੂੰ ਕੱਟਣ ਲੱਗ ਪਿਆ। ਅਜੇ ਉਸਨੇ ਦਰੱਖ਼ਤ ਨੂੰ ਕੱਟਣਾ ਸ਼ੁਰੂ ਹੀ ਕੀਤਾ ਸੀ ਕਿ ਉਸਦਾ ਕੁਹਾੜਾ ਹੱਥੋਂ ਛੁੱਟ ਕੇ ਨਦੀ ਵਿੱਚ ਡਿੱਗ ਪਿਆ।

ਨਦੀ ਦਾ ਪਾਣੀ ਬਹੁਤ ਡੂੰਘਾ ਸੀ। ਲੱਕੜਹਾਰੇ ਨੂੰ ਤੈਰਨਾ ਨਹੀਂ ਆਉਂਦਾ ਸੀ। ਉਹ ਬਹੁਤ ਦੁਖੀ ਹੋਇਆ । ਉਹ ਬੈਠ ਕੇ ਰੋਣ ਲੱਗਾ। ਉਸਦੀ ਅਵਾਜ਼ ਸੁਣ ਕੇ ਜਲ-ਦੇਵਤਾ ਉਸਦੇ ਸਾਹਮਣੇ ਪ੍ਰਗਟ ਹੋਇਆ ਅਤੇ ਉਸ ਤੋਂ ਰੋਣ ਦਾ ਕਾਰਨ ਪੁੱਛਿਆ। ਵਿਚਾਰੇ ਲੱਕੜਹਾਰ ਨੇ ਉਸਨੂੰ ਆਪਣੀ ਸਾਰੀ ਦੁਖ ਭਰੀ ਕਹਾਣੀ ਸੁਣਾਈ । ਦੇਵਤੇ ਨੇ ਪਾਣੀ ਵਿੱਚ ਚੁੱਭੀ ਮਾਰੀ ਅਤੇ ਇੱਕ ਸੋਨੇ ਦਾ ਕੁਹਾੜਾ ਕੱਢ ਲਿਆਂਦਾ। ਲੱਕੜਹਾਰ ਨੇ ਕਿਹਾ ਕਿ ਇਹ ਉਸਦਾ ਕੁਹਾੜਾ ਨਹੀਂ ਹੈ, ਇਸ ਕਰਕ ਉਹ ਨਹੀਂ ਲਵੇਗਾ।

ਦੇਵਤੇ ਨੇ ਫਿਰ ਪਾਣੀ ਵਿੱਚ ਚੁੱਭੀ ਮਾਰੀ ਤੇ ਇੱਕ ਚਾਂਦੀ ਦਾ ਕੁਹਾੜਾ ਕੱਢ ਲਿਆਂਦਾ। ਲੱਕੜਹਾਰ ਨੇ ਫਿਰ ਨਾਂਹ ਕਰ ਦਿੱਤੀ। ਤੀਜੀ ਵਾਰ ਦੇਵਤਾ ਲੋਹੇ ਦਾ ਕੁਹਾੜਾ ਕੱਢ ਲਿਆਇਆ । ਆਪਣਾ ਕੁਹਾੜਾ ਵੇਖ ਕੇ ਲੱਕੜਹਾਰਾ ਖੁਸ਼ ਹੋ ਗਿਆ ਤੇ ਕਹਿਣ ਲੱਗਾ ਕਿ ਇਹ ਹੀ ਉਸਦਾ ਕੁਹਾੜਾ ਹੈ। ਲੱਕੜਹਾਰੇ ਦੀ ਇਮਾਨਦਾਰੀ ਵੇਖ ਕੇ ਦੇਵਤੇ ਨੇ ਪ੍ਰਸੰਨ ਕੇ ਤਿੰਨੋਂ ਕੁਹਾੜੇ ਉਸ ਨੂੰ ਇਨਾਮ ਵਜੋਂ ਦੇ ਦਿੱਤੇ।

ਸਿੱਖਿਆ : ਇਮਾਨਦਾਰੀ ਦਾ ਫਲ ਮਿੱਠਾ ਹੁੰਦਾ ਹੈ।