ਖਾਲਸਾ ਰਾਜ – ਸੱਚੇ ਸਿੱਖ ਦੇ ਮਨ ਦੀ ਭਾਵਨਾ
ਖਾਲਸਾ ਰਾਜ
ਮੇਰੇ ਦਸਵੇਂ ਦਾਤਾਰ ਬਾਜਾਂ ਵਾਲੇ ਨੇ
ਪੰਥ ਖਾਲਸਾ ਸਜਾਇਆ ਤਾਜਾਂ ਵਾਲੇ ਨੇ,
ਚੋਜ ਖਾਲਸੇ ਨੇ ਕਰਨੇ ਨਿਰਾਲੇ ਨੇ
ਸਭ ਗੁਰੂ-ਗੁਰੂ ਇਹ ਜਗਤ ਗਾਊਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਨਹੀਂ ਮੁੱਕਣਾ ਮੁਕਾਇਆ ਏਹੇ ਖਾਲਸਾ
ਨਹੀਂ ਝੁੱਕਣਾ ਝੁਕਾਇਆ ਏਹੇ ਖਾਲਸਾ,
ਧਾਰ ਖੰਡੇ ਦੀ ‘ਚੋਂ ਆਇਆ ਏਹੇ ਖਾਲਸਾ
ਰਹੂ ਠੱਲਦਾ ਤੂਫ਼ਾਨਾਂ ਨੂੰ ਏਹ ਹਿੱਕਾਂ ਡਾਊਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਜਿੱਥੋਂ ਚੜੂਗਾ ਸੂਰਜ ਉਥੋਂ ਚੱਲਕੇ
ਜਿੱਥੇ ਛਿਪੂਗਾ ਸੂਰਜ ਉਸ ਤਲ ਤੇ,
ਜੱਸ ਖਾਲਸੇ ਦਾ ਹੋਊ ਪਲ-ਪਲ ਤੇ
ਹਰ ਚਿਹਰੇ ਉੱਤੇ ਖਾਲਸੇ ਦਾ ਨੂਰ ਛਾਊਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਫੂਲਾ ਸਿੰਘ ਜਥੇਦਾਰ ਫਿਰ ਆਊਗਾ
ਝੂਠੇ ਹਾਕਮਾਂ ਨੂੰ ਸਜ਼ਾ ਉਹ ਸੁਣਾਉਗਾ,
ਨਾ ਉਹ ਡਰੂਗਾ ਨਾ ਕਿਸੇ ਨੂੰ ਡਰਾਊਗਾ
ਸੱਚਾ ਸੁੱਚਾ ਫੁਰਮਾਨ ਸਭ ਨੂੰ ਸੁਣਾਉਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਸਿੱਖ ਕੌਮ ਨੂੰ ਪੁਚਾਉਣ ਜਿਹੜੇ ਹਾਨੀਆਂ
ਜਿੰਨੇ ਕੀਤੀਆਂ ਹਮੇਸ਼ਾਂ ਮਨਮਾਨੀਆਂ,
ਝੂਠੇ ਕੇਸਾਂ ਵਿੱਚ ਰੋਲੀਆਂ ਜਵਾਨੀਆਂ
ਹੋਊ ਚੰਦੂ ਵਾਲਾ ਹਾਲ ਉਹ ਪਛਤਾਊਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਜੋਧੇ ਹਰੀ ਸਿੰਘ ਨਲਵੇ ਜਇ ਹੋਣਗੇ
ਜੱਸਾ ਸਿੰਘ ਸਰਦਾਰ ਫਿਰ ਆਉਣਗੇ,
ਝੰਡੇ ਖਾਲਸੇ ਦੇ ਰਾਜ ਦੇ ਝੁਲਾਉਣਗੇ
ਫਿਰ ਕੋਈ ਨਾ ਗਲਾਂ ‘ਚ ਸਾਡੇ ਟੈਰ ਪਾਊਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਕਿੰਤੂ ਕਰੂ ਨਾ ਕੋਈ ਦਸਮ ਦੀ ਬਾਣੀ ਤੇ
ਬਾਬੇ ਭਿੰਡਰਾਂ ਵਾਲੇ ਓ ਬਲੀ ਦਾਨੀ ਤੇ,
ਉਸ ਜੋਧੇ ਦੀ ਸ਼ਹਾਦਤ ਲਾਸਾਨੀ ਤੇ
ਕੋਈ ਨਾ ਉਂਗਲ ਬੰਡਾਲੇ ਵਾਲਿਆ ਉਠਾਉਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਬੰਦ ਜੇਲ੍ਹਾਂ ਚ ਕੋਈ ਕਰੂ ਨਾ ਹਵਾਰੇ ਨੂੰ
ਅਤਵਾਦੀ ਫਿਰ ਕਹੂ ਨਾ ਕੋਈ ਤਾਰੇ ਨੂੰ,
ਭਾਈ ਰਾਜੋਆਣੇ ਕੌਮ ਦੇ ਦੁਲਾਰੇ ਨੂੰ
ਕੋਈ ਨਾ ਪ੍ਰਗਟ ਸਜ਼ਾ ਮੌਤ ਦੀ ਸੁਣਾਉਗਾ
ਰਾਜ ਖਾਲਸੇ ਦਾ ਆਊਗਾ ਜ਼ਰੂਰ ਆਊਗਾ।
ਧੰਨਵਾਦ।